Sotuv siz uxlaganda ham davom etadi
Buyurtma tunda, dam olish kunida va bayramda ham qabul qilinadi. Mijoz javob kutmaydi: to'laydi va tasdiqni darhol oladi. Amalda buyurtmalarning 20–30 foizi ish vaqtidan tashqarida keladi.
✱
Internet do'konlar
Internet do'kon yaratish — 16 mln so'mdan
Instagram izohlarida buyurtma yig'ishni to'xtating. O'z internet do'koningiz kechayu kunduz sotadi: katalog, savat, Payme va Click orqali to'lov, yetkazib berish va buyurtmalar hisobi — hammasi bitta tizimda va sizning nazoratingizda.
- +Payme · Click · Uzum to'lovlari
- +Admin panel har bir tarifda
- +Excel va 1C'dan mahsulot import
- +6 oylik texnik qo'llab-quvvatlash
Internet do'kon nima va u nega marketpleysdan foydaliroq?
Internet do'kon — mahsulot katalogi, savat, onlayn to'lov va buyurtmalarni boshqarish tizimi birlashtirilgan sayt. Mijoz mahsulotni topadi, savatga soladi, karta orqali to'laydi va yetkazib berish usulini tanlaydi. Bularning barchasi siz bilan yozishmasdan, kechasi soat ikkida ham bo'lishi mumkin. Buyurtma esa admin panelga tushadi va Telegram'ga xabar keladi.
Bugun ko'p tadbirkor Instagram yoki marketpleys orqali sotadi. Boshlash uchun bu yaxshi yo'l, lekin uchta muammosi bor: har bir buyurtma uchun qo'lda yozishish kerak, komissiya har sotuvdan olinadi va eng muhimi — mijoz bazasi sizniki emas. Platforma ertaga qoidani yoki reklama narxini o'zgartirsa, siz bunga ta'sir qila olmaysiz.
O'z internet do'koningiz esa sizga tegishli aktiv: mijoz ma'lumotlari, sotuv statistikasi, qayta sotuv imkoniyati va Google'dan bepul trafik. Do'kon soatiga o'nlab buyurtmani bir xil sifat bilan qabul qiladi, xodim esa yozishish o'rniga yig'ish va yetkazib berish bilan shug'ullanadi. Aylanma o'sgan sari bu farq sezilarli bo'ladi: qo'lda yuritilgan savdoda xato va yo'qotilgan buyurtmalar soni buyurtma hajmi bilan birga o'sib boradi, tizimda esa o'smaydi.
Innobek do'konni O'zbekiston bozori uchun quradi: Payme, Click va Uzum to'lovlari, kuryer va pochta orqali yetkazib berish, Telegram bildirishnomalari, ikki yoki uch tilli katalog. Mahsulotlarni Excel yoki 1C'dan ko'chirib beramiz — nol mahsulot bilan bo'sh sayt topshirmaymiz. Kod sizga tegishli bo'ladi, hech qanday oylik platforma to'lovi yo'q.
Nimalar kiradi
Har bir tarifga standart tarzda kiradi
Bular alohida to'lanadigan qo'shimcha emas — bazaviy tarifda ham bor.
- +Bepul konsultatsiya, katalog tuzilmasi va yozma texnik topshiriq
- +Kategoriya, filtr va qidiruv bilan mahsulot katalogi
- +Savat, buyurtma rasmiylashtirish va buyurtma tarixi
- +Admin panel: mahsulot, narx, qoldiq va buyurtmalarni boshqarish
- +Payme va Click to'lov tizimlarini ulash va sinovdan o'tkazish
- +Naqd va kuryerga karta orqali to'lash variantlari
- +Yetkazib berish usullari, hududlari va narxlarini sozlash
- +Domen, hosting, SSL sertifikati va xavfsiz to'lov oqimi
- +Telefon va planshetda tekshirilgan moslashuvchan dizayn
- +Mahsulot sahifalari uchun Schema.org: narx, mavjudlik, reyting
- +Google Analytics va elektron tijorat (e-commerce) kuzatuvi
- +Tezlikni optimallashtirish: rasm siqish, lazy-load, kesh
- +Do'konni boshqarish bo'yicha video-qo'llanma va topshirish uchrashuvi
- +Ishga tushgandan keyin 6 oylik texnik qo'llab-quvvatlash
Nega kerak
Internet do'kon biznesga nima beradi
Do'kon — xarajat emas, u sizning ikkinchi sotuvchingiz. Quyida u aniq nimaga ta'sir qiladi.
Har sotuvdan komissiya to'lamaysiz
Marketpleys odatda har sotuvdan sezilarli ulush oladi. O'z do'koningizda faqat ekvayring foizi qoladi. Oylik aylanma 50 mln so'mdan oshsa, tejalgan summa do'kon narxini bir yil ichida qoplaydi.
Mijoz bazasi sizda qoladi
Telefon raqami, buyurtma tarixi va manzil sizning tizimingizda saqlanadi. Bu qayta sotuv, SMS va Telegram tarqatmalari hamda sodiqlik dasturi uchun asos bo'ladi. Yangi mijoz jalb qilish har doim mavjudini qaytarishdan qimmatroq turadi.
Qo'lda ishlash yo'qoladi
Buyurtma o'zi qayd etiladi, qoldiq o'zi kamayadi, mijozga tasdiq o'zi yuboriladi. Bitta xodim kuniga 10 ta emas, 100 ta buyurtmani xatosiz yuritadi.
Google'dan bepul trafik
Har bir mahsulot va kategoriya alohida sahifa — «qishki kurtka narxi» kabi so'rovlar bo'yicha chiqadi. To'g'ri tuzilgan katalog 3–6 oydan keyin reklamasiz trafik bera boshlaydi.
Raqamlar asosida qaror
Qaysi mahsulot ko'p ko'rilgan-u sotilmagan, qaysi kanal ariza keltirgan, savat qaysi qadamda tashlab ketilgan — analitika ko'rsatadi. Assortiment va reklama shunga qarab sozlanadi.
Marketpleysga qaram bo'lmaysiz
Platforma qoidani o'zgartirsa yoki kartochkangizni pastga tushirsa, sotuv bir kechada tushib ketishi mumkin. O'z do'koningiz esa sizning qoidalaringiz bo'yicha ishlaydi.
Kimlar buyurtma qiladi
Qanaqa bizneslarga internet do'kon kerak
Mahsulotni takroriy va ko'p miqdorda sotadigan, buyurtmani qo'lda yuritish qiyinlashgan sohalar.
Kiyim-kechak va poyabzal
O'lcham, rang va model bo'yicha filtr, o'lchamlar jadvali, qaytarish shartlari. Mijoz o'zi tanlaydi va savolsiz buyurtma beradi — sotuvchiga murojaat 60 foizga kamayadi.
Elektronika va maishiy texnika
Batafsil xarakteristikalar, mahsulotlarni taqqoslash, kafolat shartlari va bo'lib to'lash. Bu sohada xaridor uchun eng muhimi — to'liq va aniq ma'lumot.
Kosmetika, parfyumeriya va BAD
Tarkib, sertifikatlar, ishlatish qoidalari va sharhlar. Qayta xarid yuqori bo'lgani uchun sodiqlik dasturi va qayta buyurtma tugmasi tez o'zini oqlaydi.
Oziq-ovqat va yetkazib berish
Kategoriya bo'yicha katalog, yetkazib berish vaqti oynasi, minimal buyurtma summasi va bir tugma bilan qayta buyurtma. Tezlik bu yerda konversiyaga to'g'ridan-to'g'ri ta'sir qiladi.
Mebel, qurilish va jihozlar
Yirik katalog, materiallar hisoblagichi, o'lchov bo'yicha buyurtma va o'rnatish xizmati. Ko'pincha kalkulyator moduli alohida ishlab chiqiladi.
B2B va ulgurji savdo
Dilerlar uchun shaxsiy kabinet, individual narx ro'yxati, minimal partiya, hisob-faktura va 1C bilan integratsiya. Menejerlar telefon o'rniga tizim bilan ishlaydi.
Narxlar
Internet do'kon narxi — uchta tarif
Narxlar oshkora. Har bir tarifga admin panel, to'lov tizimlari, ko'p tillilik va qo'llab-quvvatlash kiradi.
Start
To'liq ishlaydigan internet do'kon
16 000 000
so'mdan — loyihaga qarab
20–30 ish kuni
- +500 tagacha mahsulot, kategoriya va filtrlar bilan katalog
- +Savat, buyurtma rasmiylashtirish va buyurtma tarixi
- +Admin panel: mahsulot, narx, kategoriya va buyurtmalar
- +Payme va Click orqali onlayn to'lov, naqd va kuryerga karta
- +Yetkazib berish usullari va narxlarini sozlash
- +Ikki tilli interfeys (o'zbek va rus)
- +Telegram'ga yangi buyurtma bildirishnomasi
- +Tayyor asosda brendingizga moslashtirilgan dizayn
- +Texnik SEO va mahsulot Schema.org belgilash
- +Mahsulotlarni Excel'dan ommaviy yuklash
- +6 oylik texnik qo'llab-quvvatlash
Instagram yoki marketpleysdan o'z do'koniga o'tayotgan savdo nuqtalari
Business
Individual dizayn va to'liq boshqaruv
34 000 000
so'mdan — loyihaga qarab
40–60 ish kuni
- +Cheklanmagan mahsulot, murakkab kategoriya daraxti
- +Noldan chizilgan individual dizayn, Figma maketi bilan
- +Variatsiyali mahsulotlar: o'lcham, rang, komplektatsiya
- +Kengaytirilgan admin panel: ombor qoldig'i, ta'minotchilar, hisobotlar
- +Aksiya, chegirma, promokod va sodiqlik dasturi
- +Mijozning shaxsiy kabineti: buyurtmalar, manzillar, sevimlilar
- +Uzum, Payme, Click va bo'lib to'lash tizimlari
- +Kuryer xizmatlari bilan integratsiya va buyurtma kuzatuvi
- +1C yoki CRM bilan sinxronizatsiya
- +Sharh va reyting tizimi, savat tashlab ketilganini eslatish
- +Kengaytirilgan SEO: kategoriya matnlari, ichki bog'lanish, tezlik
- +Sotuv analitikasi va konversiya maqsadlari
- +6 oylik texnik qo'llab-quvvatlash
Katta assortiment, ombor hisobi va doimiy marketing bilan ishlaydigan do'konlar
Enterprise
Marketpleys va murakkab integratsiyalar
Kelishuv
asosida — 70 mln so'mdan boshlanadi
Loyihaga qarab, 3–6 oy
- +Ko'p sotuvchili marketpleys yoki filial tarmog'i
- +Dilerlar uchun B2B kabinet va individual narx ro'yxatlari
- +ERP, ombor va buxgalteriya tizimlari bilan chuqur integratsiya
- +Mobil ilova (iOS va Android) umumiy API asosida
- +Tavsiya tizimi va shaxsiylashtirilgan katalog
- +Yuqori yuklama uchun infratuzilma: CDN, kesh, monitoring, zaxira
- +A/B testlash va konversiya optimizatsiyasi
- +Xavfsizlik auditi va kelishilgan SLA
Marketpleys quruvchilar, ko'p filialli tarmoqlar va yuqori yuklamali loyihalar
Ko'rsatilgan summalar boshlang'ich oraliq. Yakuniy narx mahsulotlar soni, variatsiyalar va integratsiyalarga qarab bepul konsultatsiyadan keyin tasdiqlanadi. To'lov bosqichma-bosqich: 50% oldindan, 50% topshirishda. To'lov tizimlarining ekvayring komissiyasi alohida — u to'g'ridan-to'g'ri Payme yoki Click'ga to'lanadi va narxga kirmaydi.
Jarayon
Internet do'kon qanday quriladi
Oltita bosqich. Har birining oxirida natijani ko'rasiz va yozma tasdiqlaysiz.
- 01
Tahlil va katalog tuzilmasi
Assortimentni ko'rib chiqamiz, kategoriyalar, filtrlar va mahsulot xarakteristikalarini tuzamiz. Xarid yo'lini — katalogdan savatga, savatdan to'lovgacha — hujjat qilib belgilaymiz.
3–5 kun - 02
Dizayn
Figma'da bosh sahifa, katalog, mahsulot kartochkasi va savat chiziladi. Urg'u xarid yo'lini qisqartirishga beriladi: ortiqcha qadam har biri konversiyani kamaytiradi.
7–12 kun - 03
Dasturlash
Katalog, savat, buyurtma oqimi va admin panel quriladi. To'lov tizimlari, yetkazib berish qoidalari va Telegram bildirishnomalari ulanadi. Har hafta oraliq versiyani ko'rasiz.
15–25 kun - 04
Mahsulotlarni yuklash
Mahsulotlar Excel yoki 1C'dan ko'chiriladi, rasmlar siqiladi va bir o'lchamga keltiriladi, kategoriya matnlari yoziladi. Do'kon bo'sh emas, to'la holda topshiriladi.
3–7 kun - 05
Sinov to'lovlari
To'lov, bekor qilish, qaytarish va yetkazib berish oqimi haqiqiy tranzaksiyalarda sinovdan o'tkaziladi. Barcha qurilma va brauzerlar tekshiriladi, tezlik o'lchanadi.
2–4 kun - 06
Ishga tushirish va o'qitish
Domen ulanadi, analitika va e-commerce kuzatuvi sozlanadi, do'kon indeksatsiyaga yuboriladi. Jamoangizga admin panelni o'rgatamiz va video-qo'llanma beramiz.
1–2 kun
Namunalar
Biz qurgan savdo saytlari
Har bir loyiha noldan qurilgan: katalog tuzilmasi, dizayn, matn va texnik qism bizning jamoamiz tomonidan tayyorlangan.
Savol-javob
Ko'p beriladigan savollar
Internet do'kon yaratish bo'yicha eng ko'p so'raladigan savollarga qisqa javoblar.
- Narxlar 16 000 000 so'mdan boshlanadi — bu to'liq ishlaydigan do'kon: katalog, savat, admin panel, Payme va Click to'lovlari, yetkazib berish sozlamalari va ikki tillilik. Individual dizayn, ombor hisobi, sodiqlik dasturi va 1C integratsiyasi bilan variant 34 000 000 so'mdan. Marketpleys yoki B2B kabinet kerak bo'lsa, narx loyihaga qarab hisoblanadi.
- Ha, ulash, sozlash va sinov tranzaksiyalari narxga kiradi. Lekin to'lov tizimining o'z komissiyasi — ekvayring — alohida: u odatda tranzaksiyaning bir necha foizini tashkil qiladi va bevosita Payme yoki Click bilan tuzilgan shartnoma bo'yicha to'lanadi. Shartnomani rasmiylashtirishda yordam beramiz, bu odatda 3–7 kun oladi.
- Ha, admin panel barcha tariflarda bor. Mahsulot, narx, rasm, kategoriya va qoldiqni o'zingiz kiritasiz, buyurtmalarni panelda ko'rasiz va holatini o'zgartirasiz. Mahsulot ko'p bo'lsa, Excel yoki 1C'dan ommaviy yuklash ishlaydi — mingta pozitsiyani qo'lda kiritish shart emas. Panel o'zbek tilida bo'ladi va uni ishlatishni o'rganish odatda bir soat vaqt oladi.
- Ular bir-birini almashtirmaydi, to'ldiradi. Marketpleys tez boshlash uchun yaxshi, lekin har sotuvdan komissiya oladi va mijoz bazasi sizniki bo'lmaydi. O'z do'koningiz — sizga tegishli aktiv: qayta sotuv, Google'dan bepul trafik va o'z qoidalaringiz. Ko'p mijozimiz ikkala kanalni birga olib boradi: marketpleysda yangi xaridor topadi, o'z do'konida esa uni doimiy mijozga aylantiradi.
- Start tarifi 20–30 ish kunida, Business tarifi 40–60 ish kunida topshiriladi. Marketpleys darajasidagi loyihalar 3–6 oy oladi. Muddat assortiment hajmiga va mahsulot ma'lumotlari — rasm, tavsif, xarakteristika — qanchalik tayyorligiga bog'liq. Bular oldindan tayyor bo'lsa, jarayon 20–30 foizga tezlashadi. Mahsulot fotosuratlarini tayyorlash kerak bo'lsa, buni ham alohida kelishib olamiz.
- Do'kon qidiruvga tayyor holda topshiriladi: har bir mahsulot va kategoriya alohida manzil, to'g'ri meta teglar, Schema.org belgilash (narx, mavjudlik, reyting), sitemap va tezlik optimizatsiyasi. Bu Google Shopping va oddiy natijalarda ko'rinish uchun asos. Raqobatli so'rovlar uchun doimiy SEO ishi kerak — buni alohida xizmat sifatida olib boramiz.
- Ha. Bazaviy tarifda yetkazib berish usullari, hududlari va narxlarini sozlaymiz: masalan, Toshkent ichida bir narx, viloyatlarga boshqa narx. Business tarifida kuryer xizmatlari bilan integratsiya va buyurtma holatini kuzatish qo'shiladi — mijoz o'z buyurtmasi qayerdaligini ko'radi va qo'ng'iroq qilmaydi. Bepul yetkazib berish chegarasini ham belgilash mumkin.
- Ha, Business va Enterprise tariflarida 1C yoki CRM bilan sinxronizatsiya bor: mahsulot, narx va qoldiq avtomatik yangilanadi, buyurtmalar esa tizimga tushadi. Bu qo'lda kiritishni butunlay olib tashlaydi va ombordagi qoldiq bilan saytdagi raqam farq qilib qolishining oldini oladi. Sinxronizatsiya odatda 15 daqiqada bir marta ishga tushadi.
- Ha. Do'kon API asosida quriladi, shuning uchun mobil ilova mavjud tizim ustiga qo'shiladi: mahsulot va buyurtmalar bazasi bitta bo'lib qoladi. Biz iOS va Android ilovalarini ham ishlab chiqamiz. Odatda ilovaga o'tish do'kon ishga tushib, oyiga 300–500 buyurtma yig'ilgandan keyin mantiqli bo'ladi.
- Bizga oylik platforma to'lovi to'lamaysiz — kod sizga tegishli. Doimiy xarajatlar faqat domen va hosting (yiliga taxminan 1,5–3 mln so'm, yuklamaga qarab) hamda to'lov tizimining ekvayring foizi. Olti oylik qo'llab-quvvatlash narxga kiradi; keyin xohlasangiz, oylik shartnoma tuzamiz. Shartnomasiz ham murojaat qilishingiz mumkin — bu holda ish soatbay hisoblanadi.
Internet do'kon ochmoqchimisiz?
Bepul konsultatsiyada assortimentingizni ko'rib chiqamiz, qaysi tarif yetarli ekanini aytamiz va aniq narx bilan muddatni belgilaymiz. Majburiyat yo'q.